Bujjigadu-Made In Chennai, A Love Story of Childhood Friends Forever

Bujjigadu-Made In Chennai, A Love Story of Childhood Friends Forever

Bujjigadu-Made in Chennai, A love story of childhood friends forever. చిన్ననాటి స్నేహం పెరిగాక కూడా ప్రేమగా ఉండి, ఒకరికొకరు కలవడానికి చేసే ప్రయత్నంలో వారు ఒకరిపైఒకరు ఏర్పరచుకున్న బలమైన అభిప్రాయం, ఈ చిత్రం ప్రధాన కధాంశం.

వైజాగ్లో పక్కపక్కనే ఉండే రెండిళ్ళలో నివసించే ఇద్దరు చిన్నారుల స్నేహంగా మెలుగుతూ ఉంటారు. ఆ ఇద్దరి పేర్లు బుజ్జి, చిట్టి. చిట్టి కోసం బుజ్జి, బుజ్జి కోసం చిట్టి అన్నట్టే స్నేహం బలమైన బంధంగానే ఉంటుంది. ఎందుకంటే చిట్టి చెబితే బుజ్జి ఏదైనా చేసేస్తాడు, చిత్ర ప్రారంభ సన్నివేశంలో చిట్టి రోడ్ మీద తనదారిన తానూ పోయేవాడిని ఒకరిని చూపించి, రాయి పెట్టి కొట్టమంటే వెంటనే రాయి తీసుకుని చిట్టి చూపిన వ్యక్తి తలపై కొడతాడు బుజ్జి. అంతగా ఇద్దరిమద్య స్నేహం చాలా సాన్నిహిత్యంగా ఉంటుంది. అయితే ఇద్దరి మద్య చిన్న గొడవ వచ్చి, ఇద్దరు పన్నెండు సంవత్సరాలు మాట్లాడుకోకూడదు, తరువాత ఇద్దరు కలుసుకుని పెళ్లిచేసుకోవాలి అని నిశ్చయించుకుంటారు. వెంటనే బుజ్జిగాడు తన తండ్రికి ఒక ఉత్తరం రాసిపెట్టి ఇంట్లోంచి వెళ్ళిపోతాడు. బుజ్జిగాడు చిట్టి వలనే వెళ్ళిపోయాడు అని, బుజ్జిగాడు తండ్రి చిట్టిపై కోపం పెంచుకుంటాడు. చిట్టి చిట్టి తల్లిదండ్రులు వైజాగ్లో ఇల్లు కాళీ చేసి వేరేచోటకి వెళ్ళిపోతారు.

బుజ్జిగాడు (ప్రభాస్) చిట్టి కోసం చిట్టికి దూరంగా చెన్నై వెళ్లి పెరిగి రజనికాంత్ అభిమానిగా పెద్దవాడు అవుతాడు (అప్పటికి పన్నెండు సంవత్సరాలు పూర్తి), రజనికాంత్ అభిమానిగా ఫైట్ సన్నివేశం, ఒక పాట పూర్తి అవగానే, బుజ్జి (ప్రభాస్) చిట్టి కోసం వైజాగ్ వచ్చేస్తాడు. వైజాగ్ వచ్చి రాగానే సత్తి(సునీల్)ని కలుస్తాడు, అదే సన్నివేశంలో సునీల్ కోసం పోలీసులు వెంటపడతారు, వారిని బుజ్జి(ప్రభాస్) కొడతాడు పోలీసులు అని తెలియకుండా. ఇంక పోలీసులు వారిని అరెస్ట్ చేసి జైలులో పెడతారు. జైలులో కలిసిన ఇద్దరు ఖైదీలు ప్రోద్భలం మరియు డబ్బుపై ఆశకల్పించి ఒక గూండాని చంపవలసినదిగా, అలా చంపితే ఒక కోటిరూపాయల ఇస్తామని బుజ్జికి చెబితే, అందుకు బుజ్జి (ప్రభాస్) ఒప్పుకుంటాడు. తరువాత జైలు నుండి తప్పించుకుంటాడు.

బుజ్జికోసం చిట్టి వెతికించడం, వెతకడం చేస్తూనే ఉంటుంది, అందులో భాగంగా చిట్టి చెల్లెలు(సంజన) చిట్టిగా బుజ్జి(ప్రభాస్) ఇంటికి వస్తే, బుజ్జి తల్లిదండ్రులు ఆమెను తిట్టి వెనుకకు పంపించేస్తారు. చిట్టి కోసం వైజాగ్లో బుజ్జి వాళ్ళ ఇంటి ప్రక్కనే ఉన్న చిట్టి ఇంటికి వెళ్లి చిట్టిని పిలిస్తే, ఒక లావుపాటి అమ్మాయి వచ్చి తలుపు తీస్తుంది. అప్పుడు బుజ్జి (ప్రభాస్) ఆ అమ్మాయి ఇలా ఉంది..అలా ఉంది.. అని చూడకుండా ఇలా మారిపోయవేమిటి అని ఆప్యాయంగా అడుగుతాడు. చిట్టి ఆమెకాదు వారు అక్కడ ఉండడం లేదు అని తెలుసుకుంటాడు. తండ్రిని కలిసి తన తండ్రి ద్వారా చిట్టి కుటుంబం హైదరాబాద్ లో ఉంటున్నట్టు తెలుసుకుంటాడు. ఒకరికి తెలియకుండా ఒకరు చిట్టి కోసం వైజాగ్ వచ్చిన బుజ్జి (ప్రభాస్), బుజ్జి కోసం వైజాగ్ వచ్చిన చిట్టి చెల్లెలు ఇద్దరు ఒకే బస్సులో హైదరాబాద్ బయలుదేరతారు.

శివన్న ఇంటిలోనే చిట్టి (త్రిష), బుజ్జి(ప్రభాస్)లు ఒకరికొకరు తెలియకుండా నివసించడం.

లండన్ నుండి చదువు పూర్తి చేసుకుని ఇంటికి వచ్చిన చిట్టి(త్రిష)కి వాళ్ళ బాబాయి పెళ్లి సంభందం తీసుకువస్తారు, చిట్టి కాదని కచ్చితంగా చెబుతుంది. ఇక బుజ్జి జైలులో కుదుర్చుకున్న ఒప్పందం ప్రకారం, బుజ్జి(ప్రభాస్) మాచిరెడ్డి (కోట శ్రీనివాసరావు)ని కలుస్తాడు. మేము చాలాకాలంగా చంపడానికి ప్రయత్నించి, చంపలేకపోయిన శివన్న(మోహన్ బాబు)ని నువ్వు చంపాలని బుజ్జికి శివన్న(మోహన్ బాబు) గురించి చెప్పి పంపిస్తాడు. శివన్నని చంపడానికి బయలుదేరతాడు బుజ్జి(ప్రభాస్). అయితే ఈలోపులో షాపింగ్ మాల్ దగ్గర, హోటల్లో బుజ్జి మరియు చిట్టి(త్రిష) ఒకరికొకరు తెలియకుండా తారసపడి పోట్లాడుకుంటూ ఉంటారు. మౌలాలి దగ్గర శివన్న(మోహన్ బాబుని ) చంపడానికి బుజ్జి(ప్రభాస్) వెళ్ళిన బుజ్జి, శివన్నకి చేతికి చిక్కుతాడు. బుజ్జి ఇరవైమందితో ఫైట్ చేసిన విధానం చూసి ముచ్చటపడి బుజ్జిని శివన్న తన ఇంటికి తీసుకువెళతాడు. ప్రధమ భాగం సమాప్తం అవుతుంది.

చిట్టి(త్రిష)కి బుజ్జిని వెతికే ప్రయత్నంలో, బుజ్జి కోసం హైదరాబాద్ వచ్చిన సత్తి(సునీల్) సహాయం చేస్తానని అని చిట్టి, సత్తి ఇద్దరు బుజ్జిని వెతుకుతూ ఉంటారు. తండ్రి ద్వారా లభించిన మొబైల్ నెంబర్ ఆధారంగా చిట్టి శివన్న చెల్లెలే అని తెలుసుకుంటాడు బుజ్జి(ప్రభాస్), అయితే అప్పుడే నీవు బుజ్జి అని చిట్టి(త్రిష)కి చెప్పవద్దని మాట తీసుకుంటాడు బుజ్జి దగ్గర శివన్న. తరువాత నుండి బుజ్జి నేనే అని చెప్పకుండా చిట్టి(త్రిష)ని అటపట్టిస్తూ ఉంటాడు. కానీ చిట్టికోసం శివన్న ఇంటికి వచ్చిన సత్తి బుజ్జి వాయిస్ విని, బుజ్జి, బుజ్జి, అని అరుస్తూ కేకలు పెడతాడు, ఆ కేకలు విన్న చిట్టి శివన్నని నిలదీస్తుంది, బుజ్జి ఎవరో చెప్పమని, బుజ్జిని చిట్టికి చూపిస్తుండగా శివన్నకి తగలవలసిన బులెట్ చిట్టికి తగులుతుంది. చిట్టిని హాస్పిటల్లో జాయిన్ చేయడం, మాచిరెడ్డి మనుషులు చిట్టి చెల్లెల్ని(సంజన) కిడ్నాప్ చేసి, శివన్న అప్పజెప్పవలసినదిగా బుజ్జిని మాచిరెడ్డి డిమాండ్ చేస్తాడు. తరువాత బుజ్జి, శివన్న కలిసి వారిని మట్టుబెట్టడంతో కధ ముగుస్తుంది. ఇంత కధకు కారణమైన చిన్ననాటి చిట్టి, బుజ్జిల తగువు చివర్లో చూపిస్తారు.

ఆరంభం నుండి ముగింపు వరకు అంటే చిన్ననాటి నుండి యవ్వనంలో కూడా ఇద్దరి మనస్సులు ఒక్కటై ఉండడం, ఇద్దరిలో ఎవరు ఇంకొకరి తలంపు లేకుండా ఉండడం ఈ చిత్రంలో ప్రధానాంశం. కుటుంబం నుండి దూరం అయిన కుటుంబంతో కలిసి జీవించినా ప్రేమ ఎప్పుడూ మారదు అని ఈ కధ సారాంశంగా సాగుతుంది.

ధన్యవాదాలు
teluguchitratara

Temper Jr.NTR Super Hit Telugu Movie

Temper Jr. NTR Good Message WIth Temperament Style

Temper Jr. NTR Good Message with temperament style. టెంపర్ ఆధునీకరణ సమాజంలో మారుతున్న వేష భాషల సంప్రదాయం అనుగుణంగా సినిమాలు చిత్రీకరించడం పూరి జగన్నాద్ శైలి అని చెప్పవచ్చు. అలానే అడువారుపై కొంతమంది జరిపే ఆకృత్యాలపై తనదైన శైలిలో చిత్రం తీసి చూపారు. ఒక లంచగొండి పోలీసు అధికారి ఎంత బాగా లంచాలు వసూలు చేస్తారో, అతను మార్పు చెందితే ఎంత పరిణితిని చూపుతారో ఈ చిత్రంనుండి చూడవచ్చు. ఆడపిల్లకు అన్యాయం జరిగింది అంటే సగటు భారతీయుడు భావోద్యేగం పొందితే, మరీ పరిణితి చెందిన పోలీసు అధికారి ఆ అన్యాయ దృశం చూస్తే, ఎంతవరకు వెళ్లి ఆ దోషులను శిక్షిస్తాడు అనేది ఈ చిత్రం నుండి చూడవచ్చు.

చిత్రతారాగణం: JR. N T రామారావు, కాజల్ అగర్వాల్, పోసాని కృష్ణ మురళి, ప్రకాష్ రాజు తదితరులు.
చిత్రనిర్మాణం: పరమేశ్వర ఆర్ట్ ప్రొడక్షన్స్ – బండ్ల గణేష్
సంగీతం: అనుప్ రూబెన్స్, మణిశర్మ
కధ: వక్కంతం వంశీ
దర్శకత్వం: పూరి జగన్నాధం
విడుదల:13-02-2015

బాలకుడు పోలీసు అధికారి కావాలని నిశ్చయించుకుని, SI అవ్వడం.

సముద్ర్హపు అలల దృశ్యాలపై టెంపర్ చలనచిత్ర శీర్షికలు (Titles) వస్తూ, ఆ టైటిల్స్ పూర్తయ్యేసరికి బీచ్లో కొంతమంది వ్యక్తులు పడిఉండడం, కనబడటంతో బాటు, కదానాయుకుడు క్రిందనుండి పైకి కష్టంగా లేవడం, చిత్ర ప్రారంభ దృశ్యం. కదానాయుకుడి మాటల్లోంచి జరిగిన కధలోకి అంటే కదానాయుకుడి జీవితంలో చిన్ననాటి సన్నివేశాలు ప్రారంభం అవుతాయి. బాల్యంలోనే పోలీసు స్టేషన్లో SI తో తన్నులు తినే కుర్రవాడు, కొడుతున్న SIతో ఎదురుతిరిగి నేను జానీ బాయ్ మనిషిని అంటే, సమయానికి వచ్చిన జానీ బాయ్ ని కూడా SI కొడతాడు. జానీ బాయ్ ని నీవు ఎందుకు SI ని కొట్టలేదు అని అడిగితే జవాబుగా జానీ బాయ్ ఆ కుర్రవాడితో “వారు పోలీసులు వారి డ్రెస్ అటువంటిది అది ఉంటే వారిని ఆపేవారుండరు, అడిగేవారుండరు అంటూ” బదులిస్తాడు, వెంటనే ఆ కుర్రవాడు జానీ బాయ్ తో నేను పోలీసు అవుతా నీదగ్గర పనిచేయను అని వెళ్ళిపోతాడు. పోలీస్ పవర్ వెరీ పవర్ ఫుల్ అనుకుని పోలీస్ అవ్వాలని నిర్ణయించుకుంటాడు.

రాత్రి బడిలో చదువుతూ పగలు పనిచేస్తూ ఉంటూ, పోలీసుల ఆదాయ మార్గాలను పరిశీలన చేస్తూ ఉంటాడు. “రెండూవైపులా డబ్బులు గుంజే అవకాశం మరియు అధికారం పోలీసు ఉద్యోగం వలన బాగుంటుంది అని బలంగా భావిస్తాడు ఆ కుర్రవాడు. మధ్య మధ్యలో పోలీస్ చిత్రాలు చూడడం వలన పోలీస్ మరియు సమాజంలో విషయాలపై కూడా ఒక అవగాహనా ఏర్పడుతుంది. పోలీసుగా ఎలా ఉండాలి, సమాజంలో రౌడిలతో ఎలా లౌక్యంగా ఉండాలి అనే విషయాలు బాగా వంటబట్టించుకుంటాడు. మొత్తం మీద పోలీసు ఇన్స్పెక్టర్ అవుతాడు. పోలీసు అయిన ఆ కుర్రవాడు పేరు దయా (ఎన్టీఆర్). ఏ జానీ బాయ్ దగ్గర పనిచేసాడో, ఆ జానీ బాయ్ ని హైదరాబాదులో పోలీసు SIగా కలుస్తాడు దయా. ఒక చావుకేసుని ఎన్ని రకాలుగా వాడుకుని ఎంత పైసావసూల్ చేయవచ్చో అంత ఒక శవాన్ని అడ్డుపెట్టుకుని కొన్ని గంటల్లో 50 లక్షల రూపాయలు వసూలు చేస్తాడు దయా.

వైజాగ్లో నేర ప్రవృత్తి కలిగి ఉండి చట్ట వ్యతిరేక పనులతో ఒక సమూహంతో తిరిగే వ్యక్తి వాల్తేరు వాసు (ప్రకాష్ రాజు)కి మంత్రితో సాన్నిహిత్యం ఉండడం వలన తనకి పోలీసులతో ఎక్కువగా సమస్యలు ఉండకుండా, తనకి మద్దతుగా నిలబడే SI ని తన ప్రాంత పోలీసు స్టేషనుకి SI గా పోస్టింగ్ వేయించమని చెప్పి మరీ, దయాని SIగా రప్పించుకోవడం జరుగుతుంది.

హెడ్ కానిస్టేబుల్ సెల్యూట్ చేయకపోవడం, ప్రియురాలి కోరిక దయా మార్పుకి మూలం.

గాంధీ జయంతి సందర్భంగా పోలీస్ స్టేషన్ హెడ్ కానిస్టేబుల్ నారాయణమూర్తి (పోసాని కృష్ణమురళి) స్టేషన్ గోడకి ఉన్న గాంధీగారి ఫోటోకి పూలదండ వేయగానే, కొత్త SI మన స్టేషనుకి వస్తున్నట్టు, ఆ SI క్యారెక్టర్ గురించి వివరిస్తాడు. అలా వివరిస్తుండగా దయా SI పోలీసు స్టేషనుకి ఎంట్రీ ఇస్తే, హెడ్ కానిస్టేబుల్ నారాయణమూర్తి తప్ప మిగిలినవారు సెల్యూట్ చేస్తారు SI దయాకి. అది గమనించి ముర్తిగారిని SI దయా ప్రశ్నిస్తే, బదులుగా చేయి బాగోలేదని మూర్తిగారు బదులిస్తాడు, కానీ SI దయా క్యారెక్టర్ గురించి విన్నాక అతనికి సెల్యూట్ చేయడనికి ఇష్టం లేదని అర్ధం అవుతుంది మనకి. FIR తగలబడుతుండగా దానిని ఆర్పే ప్రయత్నంలో చేయిని ఉపయోగించడంతో మూర్తి ఆంతర్యం SIకి అర్ధం అయ్యి, చేయి బాగానే ఉందికదా సెల్యూట్ చేయమంటే, మీ గురించి విన్నాక, ఇప్పుడు చూశాక నా చేయి సెల్యూట్ చేయడానికి పనిచేయదు అంటాడు కానీ SI దయాకి కానిస్టేబుల్ మూర్తి సెల్యూట్ చేయడు. వీరి ఈ బంధం చివరికి మారి బలపడడం చిత్రంగా దయాలో మార్పు రావడానికి కారణమయ్యే దయా ప్రేమ.

దయాని వైజాగ్ రప్పించిన వాల్తేరు వాసుని కలిసి అతనికి సంఘీభావం ప్రకటించిన దయా, జంతువులను పెంచే అలవాటుగా ఉన్నశాన్వి (కాజల్ అగర్వాల్) ని చూసి ప్రేమలో పడతాడు ఇన్స్పెక్టర్ దయా, తరువాత ఆమెతో పరిచయం పెరగడానికి ప్రయత్నించి, ఆమెకు దగ్గర అవుతాడు. కానీ SI దయా అవినీతిగా సొమ్ము సంపాదించడం తప్పు అని SI కానిస్టేబుల్ మూర్తి నిలదీయడం, వారి మధ్య సంబాషణ ఆసక్తికరంగా ఉంటుంది. అయితే దయా, మరియు శాన్వి (కాజల్ అగర్వాల్) బీచ్లో మాట్లాడుతుండగానే శాన్విని కొంతమంది వ్యక్తులు కిడ్నాప్ చేసి వెహికల్లో తీసుకుపోతుంటే, దయా వారిని వెంబడిస్తాడు. పొరపాటున వేరే అమ్మాయిని (లక్ష్మి)ని తీసుకురాబోయి నీ గర్ల్ ఫ్రెండుని తీసుకువచ్చారని, శాన్వినిచూసి వాల్తేరు వాసు దయాకి క్షమాపణ చెబుతాడు. కాని నా స్థానంలో ఉండి చనిపోవాల్సిన అమ్మాయి(లక్ష్మి)ని కాపాడితే అదే నువ్వు నాకు ఇచ్చే బర్త్ డే గిఫ్ట్ అని అంటుంది.

దయా(ఎన్టిఆర్), తన ప్రేమకోసం ప్రియురాలి కోరిక తీర్చడం కోసం వాల్తేరు వాసుతో గొడవ పెట్టుకొని, లక్ష్మిని కాపాడతాడు. కాని అప్పటికే దయాకి, వాసుకి ఉన్నసంభందం వలన, లక్ష్మిని ఎందుకు చంపడం అంటే, లక్ష్మి దగ్గర ఉన్న ఆధారం వలన తన తమ్ముళ్ళ జీవితం ఆధారపడి ఉంది అని చెబుతాడు వాల్తేరు వాసు, దయాతో. దానికి దయా ఆమెను చంపడం కన్నా, ఆమె దగ్గర ఉన్న ఆధారం నీకు అందిస్తాను అంటే, అంగీకరిస్తాడు, వాసు.

దయా(ఎన్టిఆర్)కి మనసిక ఆవేదనను కలిగించే లక్ష్మి ఆవేదన

తరువాత లక్ష్మిని విదేశం పంపించేస్తాను, నీ దగ్గర ఉన్నఆధారం తనకు ఇచ్చేస్తే, నేరస్తులకు శిక్ష పడేలా చూస్తాను అని, ఆమె దగ్గర ఉన్న ఆధారం అయిన CDని తీసుకుని, ఆమెను విదేశం పంపించేస్తూ ఉన్న ప్రయత్నంలో, లక్ష్మి ఆవేదన ఆమె దయాని సంభోదించిన వైనం, దయా మానసిక క్షోభ కలుగుతుంది. లక్ష్మి విదేశం వెళ్ళిపోయాక CD వాల్తేరు వాసుకి అప్పజేప్పకుండా, వాసు మనుషుల్ని కొట్టి వెనుకకి పంపిస్తాడు. అప్పటి వరకు SI దయాకి (ఎన్టిఆర్) కి సెల్యూట్ చేయని, హెడ్ కానిస్టేబుల్ నారాయణ మూర్తి (పోసాని కృష్ణ మురళి) హృదయపూర్వక సెల్యూట్ చేయడంతో దయా పూర్తీగా నిజాయతి పోలీసు అధికారిగా మారతాడు. అది ఎంతలా అంటే, నేరస్తులకు శిక్ష పడడం కోసం, ఆ నేరంలో తను పాల్గొన్నాను అని, అందువలన నేను ప్రత్యక్ష సాక్షిని కాబట్టి మమ్మల్ని దమ్ముంటే ఉరి తీయండి అని కోర్టుకి సవాలు విసిరే స్థాయిలో.

ఇంతకీ CD లో ఉన్న ఆధారం ఏమిటి ? ఆ CDలో ఉన్న ఆధారం చూసిన తరువాత ఎందుకు డబ్బే ప్రధాన పరమార్ధం అని ప్రకటించే పోలీసు అధికారి మార్పుకు కారణం అయింది అనేది చిత్రం చూస్తేనే బాగుంటుంది. కానీ ఆడపిల్లలకు అన్యాయం చేయడం తేలికగా చేయవచ్చు ఏమో కానీ అన్యాయం చేసినవారికీ శిక్ష పడే తీరుతుంది. అలాగే ఈ చిత్రంలో ఆడపిల్ల మానప్రాణాలను హింసాత్మకంగా దోచుకున్న నలుగురిని ఏవిధంగా కోర్ట్ శిక్ష విధించింది, ఆ శిక్ష అమలులో SI దయా అంతే హింసాత్మకంగా వారికి శిక్ష విధించడంలో చిత్ర కధ ముగుస్తుంది.

చిత్రవీక్షణ మనోల్లాసం కొరకు వెళుతూ ఉంటాం అయితే కొంతమందికి యుద్ద సన్నివేశాలు, కొంతమందికి ప్రేమ సన్నివేశాలు, కొంతమందికి యుగళగీతాలు, కొంతమందికి సెంటిమెంట్ సన్నివేశాలు, చాలామందికి హాస్య సన్నివేశాలు ఇలా చాలామందికి అనేక విషయాలు ఇష్టంగా ఉంటూ ఉంటాయి. అంతమంది దృష్టిలో పెట్టుకుని చిత్రం చిత్రీకరణ చేస్తూ, సందేశం ఇచ్చే చిత్రం చూపించాలంటే, ఆ చిత్ర యూనిట్ కష్టం ఎక్కువగానే ఉంటుంది. ఇప్పటి ట్రెండ్ దృష్ట్యా టెంపర్ చిత్రం లంచం తీసుకోకుండా అధికారి అవసరాలు తీరవు అని గ్రహించిన యువ పోలీసు అధికారి కధ, మంచి మెసేజ్ ఇస్తుంది. చెడులో కూడా మంచిని చూసేవాడు మంచే అవుతాడు, అలాగే మంచిని ప్రక్కనే పెట్టుకుని చెడుగా ఉన్న్దవారు కూడా మంచిగా మారతారు అని ఈ చిత్రం చెబుతుంది. అలా చెడుగా ప్రవర్తించే పోలీసు అధికారి SI దయా అయితే, అతనికి మంచిగా ఎప్పుడు కానిస్టేబుల్ నారాయణమూర్తి మరియు అతని ప్రియురాలు శాన్వి అంటిపెట్టుకుని ఉంటారు.

ధన్యవాదాలు
teluguchitratara

S/o Satyamurthy: Very Nice Movie Showing Ethics Of Hero And His Father

S/o Satyamurthy: Very Nice Movie Showing Ethics Of Hero And His Father

S/o Satyamurthy: Very nice movie showing ethics of hero and his father story. Read in Telugu. తెలుగులో ఇంతకుముందు సామజిక విలువలు, కుటుంబ విలువలు, ఆచార సాంప్రదాయలు గురించి చెప్పే చిత్రాలు చాలానే వచ్చాయి. ఈ సినిమా తన తండ్రి చనిపోయినా తరువాత కూడా తన తండ్రిని ఎవరు చెడుగా భావించకుండా, తన తండ్రికి గల అప్పులు తీర్చేయడానికి ఆస్తి మొత్తం అమ్మేసి తీర్చేసి, కుటుంబ పోషణ భాద్యతను నెత్తిన వేసుకునే యువకుడి కధ. సన్ అఫ్ సత్యమూర్తి ఒక మంచి నైతిక విలువలను తెలియజెప్పే విధంగా చిత్రంగా నిలిచింది.

చిత్రతారాగణం: అల్లు అర్జున్, ఉపేంద్ర, ప్రకాష్ రాజ్, రాజేంద్ర ప్రసాద్, అలీ, సమంతా, స్నేహ, నిత్య మీనన్, బ్రహ్మానందం తదితరులు తారలుగా నటించిన చిత్రం.
చిత్రనిర్మాణం: హారిక హాసిని క్రియేషన్స్ – S. రాధాకృష్ణ
సంగీతం: దేవిశ్రీ ప్రసాద్
కధ-దర్శకత్వం:త్రివిక్రమ్ శ్రీనివాస్

ఉత్తమం ఎక్కడ నుండి వస్తుందో ఉత్తమం కానివి ఎన్ని అవకాశాలుగా కనిపిస్తాయో ఉత్తమం నుండి క్రిందికి జారిపోవడానికి అని తెలియజేసే చిత్రంగా సన్ అఫ్ సత్యమూర్తి తెలుగు చలనచిత్రం కనిపిస్తుంది. తన తండ్రి మరణిస్తే ఆ సానుబూతిని ఉపయోగించుకుని, తండ్రి చేయవలసిన చెల్లింపులు చెల్లించకుండా ఉండవచ్చు అని సన్నిహితులుగా పెద్దమనిషి చెప్పినా వినకుండా తండ్రి చెల్లించవలసిన చెల్లింపులు అన్ని తన ఆస్తి మొత్తం అమ్మేసి, పిచ్చిగా మారుతున్న అన్న, డిప్రెషన్లో ఉన్న వదిన, అమ్మ, అన్న కూతురుతో బయటికి వచ్చేస్తాడు, చిత్ర కదానాయుకుడు.

సన్ అఫ్ సత్యమూర్తి పాత్రలు

సత్యమూర్తి పాత్రలో ప్రకాష్ రాజ్ నటిస్తే, సత్యమూర్తి గారి అబ్బాయిగా అల్లు అర్జున్ చేస్తే, సత్యమూర్తి గారి సన్నిహితుడుగా రాజేంద్ర ప్రసాద్ పైడా సాంబశివరావుగా నటించారు. అలీ సత్యమూర్తిగారి అబ్బాయికి సహాయకుడిగా నటిస్తే, సమంతా సత్యమూర్తిగారి అబ్బాయికి ప్రియురాలిగా పైడా సాంబశివరావుకి అమ్మాయిగా సమీరగా నటించారు. మరో ముఖ్యపాత్ర దేవరాజ్ గా ఉపేంద్ర నటిస్తే, దేవరాజు భార్యగా స్నేహ నటిస్తే, దేవరాజ్ చెల్లెలి పాత్రలో నిత్య మీనన్ నటించారు. చిత్ర ప్రధమ భాగం నడవడానికి కారణమయ్యే పాత్రలలో రావురమేష్, ఎంఎస్ నారాయణ తదితరులు నటించారు. ఒక మంచి కుటుంబాన్ని నడిపించిన వ్యక్తిగా, ఆ వ్యక్తికి తగిన తనయుడిగా అల్లు అర్జున్ నటన ఈ చిత్రం ఒక మంచి విలువైన చిత్రంగా నిలిచింది.

చిత్రం కదానాయుకుడి మాటలతో ఫైట్ సన్నివేశ దృశ్యంతో ప్రారంభం అయ్యి, జరిగిన కధ తెరపై ప్రత్యక్షం అవుతుంది, సత్యమూర్తిగారు అల్లు అర్జున్ సన్నివేశం మొదలు అవుతుంది. తెలివితేటలు మనిషి పనిచేయడానికి కాని ఇతరులను మోసం చేయడానికి కాదు అనే సత్యమూర్తి (ప్రకాష్ రాజ్) గారి మాటలు కొత్తగా ఉన్నట్టుగా చెబుతూ తనకి తన తండ్రి ఒక అమ్మాయితో పెళ్లి నిశ్చయం చేసినట్టు చెప్పి, కదానాయుకుడు ఫారిన్ వెళ్లి పాట పడుకుంటాడు. పాటలోనే చిత్ర శీర్షికలు (Titles) మొదలవుతాయి. పాట పూర్తయ్యే సరికి సత్యమూర్తి మరణవార్త వింటాడు, చిత్ర కదానాయుకుడు. కష్టం తెలియకుండా కన్నకొడుకుని పెంచినా పరిస్థితులు కష్టాలు తెలియజేస్తాయి. అన్నట్టుగా కదానాయుకుడి కష్టాలు మొదలవుతాయి.

అస్తులుకన్నా తండ్రి గౌరవం పరువు ముఖ్యమని నిర్ణయించే సత్యముర్తిగారి కుటుంబం.

సత్యమూర్తిగారి మరణంతో అయన పెద్దకొడుకుకి మతి తప్పడం, అప్పులు వారికీ సత్యమూర్తిగారి రెండవ కొడుకు సమాధానం చెప్పవలసి వస్తుంది. సత్యమూర్తిగారి ఆఫీసులో పైడా సాంబశివరావు మరియు సత్యమూర్తిగారి అబ్బాయి అయిన అల్లు అర్జున్ మధ్య సంభాషణలు బాగుంటాయి. “300 కోట్ల రూపాయల ఆస్తి అంతా మీ వదిన మరియు అమ్మగారి పేరున పెట్టి, పనికిరాని షేర్లు మీపేరున పెట్టుకుని అప్పులవారికి, సదరు షేర్ పేపర్స్ ఇచ్చి, ఇష్టం వచ్చినట్టు చేసుకోండి” అని సమాధానం చెప్పమని పైడా సాంబశివరావు సత్యమూర్తిగారి ద్వీతీయ కుమారుడికి సలహా చెబుతాడు, కానీ కదానాయుకుడు ఎక్కడా తనతండ్రికి చెడ్డపేరు రాకూడదు తన తండ్రిని ఎవరు తప్పుగా అర్ధం చేసుకోకూడదు అని తండ్రి అప్పులకు తానూ జవాబుదారి అని డాకుమెంట్లపై సంతకం చేస్తాడు.

పనికిరానివి ఉంచుకుని, పనికివచ్చేవి వదిలేశాడు అని పల్లవితో సత్యమూర్తిగారి అబ్బాయికి జరిగిన  నిశ్చితార్ధం రద్దు చేసుకుంటారు ఆమె తండ్రి. ఇక సత్యమూర్తి గారి వియ్యంకుడు వచ్చి, తన కూతురితో ఆస్తులు పోయినవి, నీ భర్తకి మతిలేదు, నీ మరిది మతిపోయే పనిచేసాడు ఈ కుటుంబంతో ఉండి, కష్టాలు పడడం కన్నా, నీ భర్తకి విడాకులు ఇచ్చేసి వచ్చేయి, నీకు మంచి భవిష్యత్తు చూపిస్తానని అంటాడు. కూతురు సమాధానంతో వెనుతిరుగుతాడు. వెళ్ళిపోయే అవకాశం ఉన్న వెళ్ళకుండా కుటుంబంతో కలిసి ఉన్న వదినగారిపై గౌరవం ఇంకా పెరుగుతుంది, సత్యమూర్తి గారి చిన్న కుమారుడికి. తన అన్నకూతురికి ఏ లోటు రాకుండా చూడాలని భావిస్తాడు. పాప స్కూల్ ఫీజు కట్టలేని స్థితిలో వేరే ఇంటికి సత్యమూర్తిగారి కుటుంబం మారుతుంది.

తనతో నిశ్చితార్ధం రద్దు చేసుకున్న అమ్మాయి పెళ్ళికి సత్యమూర్తిగారి అబ్బాయి పెళ్లి భాద్యత తీసుకోవడం

అన్న కూతురు స్కూల్ ఫీజు ప్రధానవిషయంగా మారితే, అందుకోసం ఉద్యోగవేట మొదలుపెడతారు సత్యమూర్తి చిన్న కుమారుడు. ఎక్కడా పనిదొరకక తన స్నేహితుడితో వాటా పనిగా ఒక పెళ్ళికి డెకరేషన్ చేసే నిమిత్తం ఒప్పుకుంటాడు సత్యమూర్తిగారి చిన్నఅబ్బాయి. తీర ఒప్పుకున్న పెళ్లి డెకరేషన్ తనతో నిశ్చితార్ధం రద్దు చేసుకున్న వారిదేనని, పెళ్లిపనులలో తెలుస్తుంది. తప్పక ఆ పనిచేయడానికి ఒప్పుకోవడం, అదే పెళ్ళిలో సమీర (షుగర్ కలిగిన అమ్మాయి) పరిచయం పెరగడం జరుగుతుంది. పైడా సాంబశివరావు వలన 300కోట్ల తండ్రి ఆస్తిని అమ్మేసి తన తండ్రి చేసిన అప్పులు తీర్చేసిన వ్యక్తి అని పెళ్ళిలో అందరికి తెలియడం, సమీర సత్యమూర్తిగారి అబ్బాయిపై మంచి అభిప్రాయం రావడం జరుగుతుంది.

పల్లవి పెదనాన్న అతని కొడుకు కలసి కట్నంగా ఇవ్వవలసిన కోటి రూపాయిలు దొంగతనంగా తీసుకుపోవడం వలన పల్లవి తండ్రి రావు రమేష్ ఆందోళన చెందుతాడు. ఆ ఆందోళనలో అతని స్నేహితుడు పైడా సాంబశివరావు పెళ్లి రద్దు చేసుకో అని మరలా సలహా ఇస్తే, సత్యమూర్తిగారి అబ్బాయి మీ పరువు పోకూడదు నేను మీ అన్నని వెతికి డబ్బు వారిని తీసుకుని వస్తా అని చెప్పి, వారిని తీసుకువచ్చి ఆ పెళ్లి జరిపిస్తాడు. తన నిశ్చితార్ధం రద్దు అయిన అమ్మాయి పెళ్లి సమస్యలో ఉంటే, భలే జరిగింది అని ఆలోచన చేయకుండా, ఆ పెళ్లి జరిగేల చేసిన సత్యమూర్తిగారి చిన్నకుమారుడుపై పైడా సాంబశివరావు తప్ప అందరికి గౌరవం పెరుగుతుంది. అదే పెళ్ళిలో సమీర సత్యమూర్తిగారి చిన్నకొడుకుకి తన ప్రేమ విషయం చెబుతుంది, అతను అంగీకరిస్తాడు.

తనతండ్రి అమ్మిన స్థలం దస్తావేజులు తేవడానికి ప్రాణాలతో చెలగాటం ఆడడానికి సిద్దపడే సత్యమూర్తిగారి అబ్బాయి.

తమ ప్రేమను పెళ్ళిగా మార్చుకోవడానికి సమీర తండ్రిని కలవడానికి, సమీర ఇంటికి సత్యమూర్తిగారి చిన్నకొడుకు వస్తారు. అక్కడ అతనికి తన తండ్రి పరిచయస్తుడు, సమీర తండ్రి ఒకరేనని అర్ధం అవుతుంది. విలువలు కన్నా ధనమే మిన్న అని భావించే పైడా సాంబశివరావు పెళ్ళికి అంగీకరించకుండా సత్యమూర్తిగారి గురించి తక్కువ చేసి మాట్లాడతాడు, సత్యమూర్తిగారు మోసం చేసి ల్యాండ్ అమ్మడాని నిందిస్తాడు. మా నాన్న అమ్మిన ల్యాండ్ ఒరిజినల్ డాకుమెంట్స్ నేను తెచ్చి ఇస్తాను అంటే, అలాగే చేస్తే సమీర సత్యమూర్తిగారి అబ్బాయి వివాహం చేస్తానని పైడా సాంబశివరావు పందెం కాస్తాడు. గడువులోపులో సదరు ల్యాండ్ డాకుమెంట్స్ సంపాదించి ఇవ్వడంలో సత్యమూర్తిగారి లైఫ్ రిస్క్ చేయాల్సి వచ్చిన వెనుకకు తగ్గకుండా డాకుమెంట్స్ సంపాదించి ఇచ్చి తండ్రి గౌరవం పెంచుతాడు. తండ్రి జ్ఞాపకాలు ఎప్పుడు గుర్తుచేసుకుంటూ, తండ్రి చెప్పిన మాటలు పాటించే వ్యక్తిగా విజయవంతం అవ్వడంతో చిత్ర కధ ముగుస్తుంది.

చిత్రంలో మరో ముఖ్య విషయం సత్యమూర్తిగారు పైడా సాంబశివరావుకి అమ్మిన లాండుని కబ్జా చేసిన వ్యక్తి (దేవరాజ్)ని వ్యక్తిని కలవడానికి వెళ్లి, ఆ దేవరాజ్ ఎవరో తెలియకుండానే దేవరాజ్ చెల్లెలి ప్రాణాలు కాపాడి తన ప్రాణాలు పోగొట్టుకుంటారు సత్యమూర్తిగారు. అలా ప్రాణాలు దక్కించుకున్న దేవరాజ్ చెల్లెలి ప్రేమకోసం దేవరాజుతో ప్రాణాలకు తెగించి సత్యమూర్తిగారి అబ్బాయి పోరాటం చేయడమే చిత్రానికి పతాక ప్రారంభ సన్నివేశం. గొప్పవ్యక్తికి గొప్పగుణాలు ఉన్న కుమారుడే కలుగుతాడు అనే పైడా సాంబశివరావుగారి మార్పుతో చిత్రంలో కదానాయుకుడి పట్టుదల గెలుస్తుంది.

తండ్రి ఆలోచనతీరు చెడువైపు సాగిన తను మంచివైపుగా నిలబడి తండ్రి మార్పుకి కారణమైన కూతురు ప్రేమ గెలుస్తుంది చిత్రం చివరిలో. చివరికి చిత్రం విలువలను వాటి స్థాయిని పెంచేవిధంగా చిత్రీకరణ ఉంటుంది.

ధన్యవాదాలు

TeluguChitraTara

Dhruva – Telugu Remake chalanachitram !

Dhruva – Telugu Remake chalanachitram ! ధ్రువ రీమేక్ తెలుగు చలన చిత్రం

మంచిచెడుల కలయికలో మంచిని గెలిపించే ప్రయత్నంగా సినిమా కధలు సాగుతూ ఉంటాయి. ఆ ప్రయత్నంలో చెడును గురించిన వివరణ ఉంటే, అది మంచి యొక్క విశిష్టతను తెలియజెప్పే విధంగా సాగుతాయి. అలంటి వివరణలో ఒక తెలివైన వ్యక్తి  వేగం ఎదగాలని వక్రమార్గంలో వెళితే, నేరాలు-వార్తలు-ఘోరాలు పరిశోదనాత్మకంగా చూస్తూ విశ్లేషణ చేసుకుంటూ మరో తెలివైన వ్యక్తి ఎదిగి, వారు నిర్వహిస్తున్న వృత్తుల-ప్రవృత్తుల ఫలితాలు ఎదురెదురు పడితే ఎలా ఉంటుందో  తెలిపేది ధృవ. Dhruva-Telugu remake chalanachitram ! ధ్రువ రీమేక్ చలనచిత్రం !

చిత్రతారాగణం: రామ్ చరణ్, అరవింద స్వామి, రకుల్ ప్రీత్ సింగ్, పోసాని కృష్ణ మురళి, నవదీప్ తదితరతారలు నటించారు.
చిత్రనిర్మాణం: అల్లు అరవింద్, NV ప్రసాద్ – గీత ఆర్ట్స్
మాటలు: వేమారెడ్డి
మూల కధ: మోహన్ రాజా
సంగీతం: హిఫోప్ తమిజ్హ
విడుదల తేది: 09-డిసెంబర్ 2016
స్క్రీన్ ప్లే-దర్శకత్వం: సురేందర్ రెడ్డి

Dhruva Telugu remake chalanachitram ధ్రువ రీమేక్ తెలుగు చలనచిత్రం డిసెంబర్ 2016 లో విడుదల అయ్యి ప్రేక్షకాదరణ పొందింది, అయితే ఈ చిత్రం ముఖ్యంగా గమనించవలసినది. ఇద్దరు సమవుజ్జీలలో ఒకరు జీవితంలో చెడువైపు ఎలా ఎదిగినది మరొకరు మంచివైపు ఎలా అడుగులు వేసినది కధలో నీతిగా చూపించబడింది. మంచికి చెడుకి తేడా మనిషి ఆలోచనా తీరులో ఏవిధంగా సాగుతుందో ఈ ధ్రువ తెలుగు చిత్రం ద్వారా అవగాహనా చేసుకోవచ్చు.

కధాగమనం

కధ ప్రారంభం ప్రతినాయుకుడు పుట్టుకతో ప్రారంభం అవుతుంది. ఒక రాజకీయ పార్టీ కార్యకర్తకు తన కుటుంబం కన్నా తమ పార్టీ అధినేతపై అభిమానం ఎక్కువగా చూపించే సన్నివేశంలోనే ప్రతినాయుకుడు పుట్టుక సన్నివేశం ఉంటుంది. ప్రతి నాయుకుడి తండ్రి ప్రాత్రలో పోసాని మురళి కృష్ణ బాగా నటిస్తే, ప్రతినాయుకుని పాత్రలో అరవిందస్వామి జీవించారు.

తన పార్టీ తరపున ఎన్నికల ప్రచారం చేస్తూ, ఒకఊరికి వెళ్తున్న ద్వీతీయ నాయుకుడిగా నాజర్ నటించారు. ఎన్నికల ప్రచార సమయంలో చెంగల రాయుడు (పోసాని కృష్ణ మురళి) సదరు రాజకీయ పార్టీ జెండా కడుతూ కనిపిస్తుంటే, చెంగల రాయుడి ఫ్యామిలీ అతనిని హెచ్చరిస్తుండగా, సదరు పార్టీ నాయుకుడు కారులో ప్రచారనిమిత్తం ఆ ఊరికి రావడం, పార్టీ జెండా కట్టిన చెంగల రాయుడు ఆ రాజకీయ పార్టీ నాయుకుడి (నాజర్) దగ్గరికి రావడం జరుగుతుంది. అప్పుడే చెంగల రాయుడి భార్యకి పురిటి నొప్పులు రావడంతో, నాయుకుడి కారులో ఆమెను ఆసుపత్రికి తరలించబోతే, మధ్యలోనే పురుడు వచ్చే మగ పురుషుడు జన్మిస్తాడు.

అతడే మన కధలో ప్రతినాయుకుడు సిద్ధార్ద్ అభిమన్యు(అరవిందస్వామి), ప్రతినాయుకుడినే ఎందుకు ముందు చూపించినట్టు అంటే, చెడు పూర్తిగా ఒక స్వరూపంగా మారే అవకాశం ఉంటే, సదరు చెడుకు కారణం అయ్యే వ్యక్తి ప్రతి అడుగు చాలా ప్రభావంతంగానే ఉంటే, సదరు చెడుని అంతమొందించే మంచి మాత్రం మెల్లగా మరింత పదునైన కత్తిగా తయారు అయి ఒక కదానాయుకుడిగా వస్తే అది ధృవ.

సిద్ధార్ద్ చదువులో రాణించడంతో అతనిని తమ రాజకీయ నాయుకుడికి పరిచయం చేయడానికి ఆ పార్టీ కార్యాలయానికి తీసుకునివెళతాడు చెంగలరాయుడు. వెళ్ళేటప్పటికి సదరు పార్టీ కార్యాలయంలో నాయుకుడు(నాజర్) అదే పార్టీ వ్యక్తితో గొడవపడి అతనిని బల్లకేసి గట్టిగా కొడితే మరణించడం జరిగితే, ఆ కేసు తనమీద వేసుకుని జైలుకి వెళ్లవలసినదిగా చెంగల రాయుడిని సదరు నాయుకుడు (నాజర్) కోరతాడు, కానీ కుర్రవాడైనా సిద్ధార్ద్ తన తండ్రిని ఎంఎల్ఏని చేయండి నేను ఆ చావుకేసు తనమీద నేను వెళతాను అని చెప్పి, సిద్ధార్ద్ జైలుకి వెళ్ళడంతో ఆ సన్నివేశం ముగుస్తుంది. ఇక్కడ సిద్ధార్ద్ యొక్క ఆలోచన తీరు గమనిస్తే, తప్పు చేసినవాడికి శిక్షపడాలి అనే ధర్మాన్ని వదిలి, ఆ తప్పుని ఎలా తన ఎదుగుదలకు వాడుకోవచ్చు అనే విధంగా సాగుతుంది. అందుకే చదువుకుంటున్న (అంటే ప్రస్తుతం తానూ చేయవలసిన ధర్మం) వదిలి, జీవితంలో వేగంగా ఎదగడం కోసం తప్పుని సమర్ధించడానికి తన తెలివిని ఉపయోగించాడు సిద్ధార్ద్ ఇక్కడ ఆ సన్నివేశంలో.

ధృవ శీర్షికలలో ధృవ స్వయం వార్తావిశ్లేషణ ప్రారంభం

ఆ తరువాత ధృవ సినిమా శీర్షికలు (Titles) ప్రారంభం అయితే గమనించవలసిన విషయం వార్తాపత్రికలు (News పేపర్స్) చదువుతున్నట్టుగా దృశ్యాలు టైటిల్స్ బ్యాక్ గ్రౌండులో వస్తూ ఉంటాయి. పరోక్షంగా కదానాయుకుడు జీవితంలో ఎదుగుతున్న విధానంలో ప్రధాన విషయం వార్తలను (ధృవ) విశ్లేషించుకోనే అంశాన్ని దర్శకులు ఇక్కడ టైటిల్ ప్రదర్శనలో చూపించారు.

ఆ తరువాత సన్నివేశంలో చిన్నారుల కిడ్నాప్ కేసుని కధానాయుకుడి బృందం కాపాడే సన్నివేశం ఉంటుంది. అదే సన్నివేశంలో ధృవ (రామ్ చరణ్) పరిచయం కలుగుతుంది. పోలీస్ ట్రైనింగ్లో ఉన్న హీరో బృందం (నవదీప్ తదితరులు) అప్పటి అక్కడి నేర సంఘటనలు పోలీస్ ట్రైనింగ్లో ఉండగానే పరిష్కరించాలని కదానాయుకుడి నాయకత్వంలో చేస్తూ ఉంటారు. ఇక్కడ కదానాయుకుడికి సమాజంపై ఉన్న భాద్యత వ్యక్తమవుతుంది. పోలీస్ ట్రైనింగ్ పూర్తికాకముందే తనవంతు సమాజ సేవ చేస్తూ ఉండడం హీరో యొక్క ప్రముఖ లక్షణంగా కనబడుతుంది. తరువాత పాట ప్రారంభం.

పాట తరువాత వచ్చే సన్నివేశం ప్రముఖ రసాయనిక పారిశ్రామిక వ్యక్తుల మీటింగ్ ఏర్పాటవడం, ఆ మీటింగుని, కదానాయుకుడు ఫాలో అయ్యే సన్నివేశం అవ్వగానే, పోలీస్ ట్రైనింగ్ అకాడమీ సభలో హీరో సంక్లిప్త ప్రసంగం ఉంటుంది. అప్పుడే ధ్రువ బృందానికి వచ్చిన మెసేజ్ కొంచెం వారిలో కలవరపాటు కలిగిస్తుంది. అయితే అది కధానాయిక రిషిక (రకుల్ ప్రీత్ సింగ్) పరిచయ సన్నివేశంగా మారుతుంది. ఇక్కడ నుండి కొంచెం కధానాయిక నాయుకుల మధ్య నడిచిన ప్రేమకధ పరిచయం చేసే సన్నివేశాలు చూడవచ్చు. అయితే ధ్రువ దృష్టి అంతా జరుగుతున్ననేరాలపై జరగబోయే నేరాలపై ఊహ దృష్తి ఎక్కువగా సాగుతున్నట్టుగా కనబడుతుంది, కాబట్టి ప్రేమ కధ సన్నివేశాలు, ఎక్కువగా కధానాయిక వైపు నుండే ఉన్నట్టు ఉంటాయి. ఇక్కడ చూశ చూశా ఒకే హృదయాన్నేపాట వస్తుంది, పాట తరువాత ఇషిక (రకుల్ ప్రీత్ సింగ్) తన ప్రేమను ధ్రువ(రామ్ చరణ్)కి చెప్పాడం జరుగుతుంది. అయితే ధ్రువ తన దృష్టి వేరువైపుగా సాగుతుంది కాబట్టి, ఆమె ప్రేమను అంగీకరించడు. ఇదంతా ఇషిక ధ్రువ స్నేహితులకు వివరించడం ఉంటుంది. ఆ వివరణ తరువాత..

ధృవ (రామ్ చరణ్ ) సిద్ధార్ద్ (అరవిందస్వామి) ప్రతినాయుకుడిగా గుర్తించడం.

జరిగే సన్నివేశంలో మెడికల్ షాపులో మెడిసిన్ తీసుకువెళుతున్న వ్యక్తులపై గోలుసుకోసం దుండగలు దాడి చేయడం జరగడం, ఆ దుండగుల కోసం ధృవ బృందం ప్రయత్నం చేసి సఫలం అయ్యి సదరు నేరస్తులను పోలీస్ స్టేషన్లో అప్పజెప్పడం జరుగుతుంది. తరువాత ధృవని, ధ్రువ బృందం తన స్నేహితుడి ఇంటికి అని చెప్పి, ఇషిక (రకుల్ ప్రీత్ సింగ్) ఇంటికి తీసుకువస్తారు. అక్కడ ఇషిక, ధ్రువ ఒంటరిగా ఎక్కడెక్కడో తిరుగుతున్నాడు నా సంగతి పట్టించుకోకుండా అని వాపోతుంది. అది ఆ ధ్రువ బృందానికి కూడా చెప్పకుండా తిరుగుతున్నాడని అర్ధం, ధృవని అతని స్నేహితులు నిలదీస్తారు. కానీ ధ్రువ విషయం వివరించడు, తరువాతి సన్నివేశంలో తాము పట్టించిన నేరస్తుడు ప్రముఖ రాజకీయ నాయుకుడితో ఉండే దృశ్యం ఉంటుంది. అప్పుడు ధృవ బృందంలో నిరుత్శాహం కలిగితే, అప్పుడు ఎవరికీ ఏమి చెప్పకుండా తిరుగుతూ ఏమి చేస్తున్నది, తాను ఏర్పరచుకున్న వ్యక్తిగత పరిశోదన ల్యాబులోకి తీసుకువెళ్ళి వారికి సమాజంలో జరుగుతున్నా నేర ప్రవృత్తి తీరుపై వివరణ ఇచ్చి మోటివేట్ చేస్తాడు.

సమాజంలో వార్తాపత్రిక వార్తలు, సమాజంలో జరిగే నేరాలు అలాగే సమాజంలో జరిగే వ్యాపారానికి ఉండే లింకు వ్యూహం వివరణ ఆసక్తిగా ఉంటుంది. ఇంకా ఈ సమాజంలో నేరం చిన్న నేరంగా చూపిస్తూ పెద్ద నేరాలను కప్పిపుచ్చే విధానంపై వివరణ ఇస్తాడు, అలంటి నేరాలలో ఒక రసాయన మందులు తయారు చేసే ఒక కంపెనీ నుండి వచ్చిన టెస్టింగ్ మెడిసిన్ ప్రయోగాత్మకంగా 18 మంది చిన్నపిల్లలపై ప్రయోగించి, ఆ పిల్లల మరణానికి కారణం అయిన పెద్ద నేరం కప్పి(మెడికల్ మాఫియా) ఉంచబడిందని, ధ్రువ తన బృంద స్నేహితులకు వివరిస్తాడు. అయితే నేరస్తుల జాబితాలో ఎక్కువ నేరాలకు కారణం అయిన ముగ్గురిని ఎంపిక చేసుకుంటాడు, అయితే వారు బయటి సమాజంలో ప్రముఖ వ్యక్తులుగా చలామణి అవుతూ ఉండేవారు. ఇంకా ఆ సన్నివేశంలో ప్రతినాయుకుడి తండ్రి అయిన చెంగల రాయుడు (పోసాని కృష్ణ మురళి) గనుల శాఖా మంత్రిగా ప్రేక్షకులకు పరిచయం అవుతారు. తరువాత సన్నివేశంలో కధానాయకుడు ప్రతినాయుకుడిని మూల నేరస్తుడుగా గుర్తించడం, కానీ అతను ప్రముఖ శాస్త్రవేత్తగా ఉంటాడు. అక్టోబర్ 3వ తేది చాలా ముఖ్యమైన తేదిగా సిద్ధార్ద్ భావిస్తే, ఆ తేదీనే సిద్ధార్ద్ చీకటి బ్రతుకుని బయట పెట్టాలని ధ్రువ నిశ్చయించుకోవడం జరుగుతుంది. తరువాత వచ్చే సన్నివేశాల్లో పోలీస్ పోస్టింగ్ సభలో ధృవ, సిద్ధార్ద్ చేతుల మీదగా పధకం అందుకుని, ధృవ తన పోలీస్ వృత్తిలో జాయిన్ అవుతాడు.

అప్పటికే సిద్ధార్ద్ విషయంలో పరిశోదన చేసిన ధృవ తానూ డ్యూటీలో జాయిన్ అవ్వడంతోనే సిద్ధార్ద్ పై ఏక్షన్ తీసుకోవడానికి సిద్దపడతాడు. అక్టోబర్ 3న జరగబోయే నేరాన్ని అరికట్టడం, అప్పటివరకు చీకటిలో సాగుతున్న నేర ప్రవృత్తి ఎవరికీ తెలియకుండా జాగ్రత్తపడ్డా కూడా ఒక వ్యక్తి తన చీకటి బ్రతుకుపై దెబ్బ కొట్టడంతో సిద్ధార్ద్ అప్రమత్తుడవుతాడు. తరువాత సిద్ధార్ద్, ధృవని పూర్తిగా మానిటర్ చేయడం, ధృవ స్నేహితుడు సాటి పోలీస్ అయిన నవదీప్ మరణం వలన ధృవలో అసహనం పెరగడం జరుగుతుంది. ఇంకా ఇదంతా తెరపై చూడడం బాగుంటుంది. ఎన్ని తెలివితేటలూ కలిగిన, వాటిని సక్రమంగా సమాజంలో ఉపయోగించకపోతే, ఎంత క్రిందిగి దిగజారిపోతారో ఈ సినిమా ద్వారా గ్రహించవచ్చు. వ్యక్తి తెలివికి స్వేచ్చ తోడైతే, అహంకారానికి అడ్డు లేకుండా పొతే, సదరు వ్యక్తి ఎంత ప్రమాదకరమో ఈ చిత్రం ద్వారా గ్రహించవచ్చు.

మంచిచెడుల కలయిక సినిమాలు చెబితే

మంచిని చూపించాలంటే అమ్మని నాన్నని చూపిస్తే సరిపోతుంది, కానీ మంచి ముసుగులో ఉండబోయే చెడుని తెలియజేయాలంటే సామజిక చిత్రాలే ఉంటాయి. మంచిని ఎంతబలంగా చెప్పాలంటే అంత బలంగా చెడుఫలితాలు చూపించాలి కాబట్టి చెడుని సినిమాలు చూపితే, పరిస్థితులు వలన చెడు మంచిగా అనిపించవచ్చు కానీ చెడుని ఎంచుకుంటే చివరి ఫలితం ఏమిటో ధృవ తెలుగు చలన చిత్రం ద్వారా పతాక సన్నివేశాల్లో నుండి గ్రహించవచ్చు.

నేర్చుకునే వయసులో చెడు, చెడుని కప్పిపుచ్చే విషయాలు తెలిసిన అప్పుడు, వాటిని పట్టుకుని పైకి ఎదిగితే ఎలా ఉంటుందో, చెడు, చెడుని పెంచే విషయాలు తెలిసినా, వాటిని విడిచి, వాటి మూలంపై ఆలోచన సాగితే, ఆ ఆలోచన చేసిన వ్యక్తి ఎంత సమాజానికి ఎంత ప్రయోజనకారి అనే విషయం ధృవ చలనచిత్రం ద్వారా గ్రహించవచ్చు. చెడు తెలుస్తుంది, ఎందుకంటే ఎప్పుడైనా చెడు జరిగే అవకాశాలు ఉంటే, ఎలా రక్షణ పొందాలి, ఎలా రక్షించాలి ఈ సద్భావనతోనే సమాజంలో వ్యక్తులు ఉండాలి, సమాజంలో చెడు చలామణి అవుతూ ఉండవచ్చు, దాని నుండి గ్రహించే విషయం మనకిగాని, ఇతరులకు జరగకుండా జాగ్రత్తపడేదిగా భావిస్తే, చెడులో మంచి వెతికే ప్రయత్నం కూడా చేయవచ్చు. ఏదైనా మంచి ముసుగులో చెడు చేస్తే వచ్చే ఫలితం ప్రమాదమే.

గ్రహించడం వలన ఆలోచన పుడితే, దానిని ఉపయోగించే విధానం

జేబుదొంగలు ఉంటారని, దొంగలు జేబులు దొంగిలించే విధానం ఇలా ఉంటుందని ఎవరైనా వినే వయసు ఉన్న వేరొకరికి జాగ్రత్తలు చెబితే, విన్నవారికి ఏదైనా ప్రయాణంలో జేబులో ఉండే వస్తువులపై జాగ్రత్త ఏర్పడుతుంది సాదారణంగా. అలా కాకుండా జేబుదొంగ ఎలా ఉంటారు ? ఎందుకు అలా తయారు అవుతారు అని ఆలోచన చేస్తే సామజిక అంశాలపై అవగాహనా ఏర్పడే అవకాశం ఉంటుంది. అలాకాకుండా జేబులో వస్తువులు ఈ విధంగా దొంగిలించవచ్చు అని ప్రాక్టీసు చేసి, ఎలా కొట్టేసినది అలానే ఎవరికీ తెలియకుండా తీసిన చోటే పెట్టేస్తే, నేర్పరి అయి దొంగలను పట్టుకునే తెలివితో రక్షణాదికారి కావచ్చు. అలా కాకుండా జేబులో వస్తువులు ఇలా కొట్టేయవచ్చు అని, ఆశతో ఆలోచన చేస్తే, సదరు వ్యక్తి దొంగగా మారే అవకాశం ఎక్కువగా ఉంటుంది. జేబులో దొంగలించడం చెప్పిన వ్యక్తికీ దొంగతన విధానం తెలుసు, విన్న వ్యక్తికీ తెలుసు, దొంగని పట్టుకునే పోలీసుకి తెలుస్తుంది, ఎందుకు దొంగలు అని ఆలోచన చేసేవారికి తెలుస్తుంది. తనకోసం తన ఆశలు నెరవేర్చుకోవడం కోసం జేబు దొంగతనం అనే విషయం తెలియగానే ఆలోచన విధానం మారుతుంది.

నేర్చుకునే వయసులో నేర్చుకోవడంతో బాటు సామజిక బాద్యత, వ్యక్తిగత ధర్మం ఖచ్చితంగా తెలియాలి. ధృవ చిత్రంలో ప్రతినాయుకుడి తెలివితేటలకు అబ్బురపడి అతని తండ్రి రాజకీయ, సామజిక పరిస్థితులలో సహజంగా మౌనం వహించడమే పెద్ద నేరప్రవాహానికి ఒక కారణం, అయితే సమాజానికి నాయకత్వం వహిస్తున్న నాయుకుడే తప్పు చేసి ఇంకొకరి మీద వేయడానికి ప్రయత్నం నేరం సహజం అన్న ఆలోచన ప్రతినాయుకుని హృదయంలో కారణం కావచ్చు.

ధ్రువ చలన చిత్రంలో చేసేటప్పుడు ధృవ (రామ్ చరణ్) మాటలు పరిశీలన చేస్తే, అతడు చెడుని చదివాడు, ఆ చెడుపై ఆలోచన చేశాడు, చెడు యొక్క ప్రభావం, కారణాలు విశ్లేషణలు కొనసాగితే, అది ఓకే పరిశోదన ల్యాబ్ గా మారింది. సిద్ధార్ద్ అవకాశం వస్తే ఎలా ఉపయోగించుకోవాలి అనే ఆలోచనతో మంచికి చెడుకి ఉన్న తేడానికూడా వాడుకున్నాడు కానీ మంచి మనిషి యొక్క గొప్పవ్యక్తి లక్షణం, అది తానూ కోల్పోతున్నాను అని తెలియకుండానే పట్టుబడ్డాడు.

ధృవ (రామ్ చరణ్) మంచిగా ఆలోచన చేసి మంచి తానే అయితే, చెడునిపట్టుకుని సిద్ధార్ద్ చెడె తానూ అయ్యాడు.

ధన్యవాదాలు

TeluguChitraTara

TeluguChitaTara

Welcome to TeluguChitraTara blog | స్వాగతం తెలుగు చిత్రతార బ్లాగుకి

Welcome to TeluguChitraTara blog ! స్వాగతం : ఇది vega2020 వెబ్ సైటుకి అనుభందం. vega2020 వెబ్ సైటులో మొబైల్ మరియు వెబ్ టెక్ విషయాలను షేర్ చేస్తే, సదరు బ్లాగుని మీరు ఆదరించినట్టు, ఈ తెలుగుచిత్రతార బ్లాగు కూడా ఆదరిస్తారని ఆశిస్తున్నాను. ఈ తెలుగుచిత్రతార బ్లాగులో తెలుగుచిత్రతెరతారల వివరాలు వివరించడం కోసం ప్రయత్నం చేస్తున్న.

ఆచారం, సంప్రదాయం, దేశ సంస్కృతి, దేశ చరిత్ర, మహనీయుల చరిత్ర, ఆచార సంప్రదాయాలను ఉపయోగిస్తూ మంచిగా బ్రతికిన వారి గురించి చెబుతూనే అవే ఆచార సంప్రదాయాలు అడ్డుగా పెట్టుకుని సమాజంలో అక్రమాలు విషయాలను చూపే తెలుగు చిత్ర సాహిత్యం అంటే మక్కువ లేకుండా ఎలా ఉండగలం. కొన్ని విషయాలు మనిషి చలనచిత్రం ద్వారానే గ్రహించే అవకాశం కూడా ఉంది. అటువంటి తెలుగు సినిమా కబుర్లు అలసిన మనసుకి కాలక్షేపమని కూడా చెప్పవచ్చు.

తెలుగు చిత్రాలలో అనేక చిత్రవిచిత్ర కధలతో వివిధమైన విషయాలతో అనేకానేక చిత్రములు కలవు, కొత్త చిత్రాలు కొంగ్రొత్తగా ముస్తాబు అవుతూ ఉంటాయి, కొత్తగా వచ్చిన చిత్రాలు అలరిస్తూ ఉంటాయి. తెలుగు చిత్రాలు గొప్పగా మొన్నటివరకు తెలుగువారినే అలరిస్తే, నిన్ననాటి రోజులాలో అంతర్జాతీయంగా కుడా అలరిస్తూ అందరినికి ఆకట్టుకుంటూ అంతటా తెలుగు సాహిత్య ఖ్యాతిని పెంచుతున్నాయి. తెలుగు చిత్ర తారలు అంతర్జాతీయ చిత్రతారలుగా మారుతున్నారు.

ఇప్పటికే వేల తెలుగు చిత్రాలు మనల్ని అలరించాయి. చాలామంది నటినటులు మనల్ని వారి నటన కౌసల్యంతో అలరించారు. మహానటులుగా ఖ్యాతి గడించారు. వాటిలో ఎన్నో ఆణిముత్యాలు అటువంటి ఆణిముత్యాలు గురించి తెలుసుకోవడం అంటే ఎవరికైనా ఇష్టంగానే ఉంటుంది. అనేక చిత్రాలతో తెలుగుచిత్రతెర తెలుగు తారలతో వెండివెలుగులు కురిపిస్తూ ఉంది.

అలనాటి మేటి తార చిత్తూరి నాగయ్యా గారి దగ్గర నుండి నేటి తరంతారలు అల్లు అర్జున్, మహేష్, ప్రభాస్, రామ్ చరణ్ తేజ్, సాయిధరం తేజ్ తదితరతెరతెలుగు తారలు ఎంతోమంది వెండితెరపై వెలుగుతున్నారు. నాటి కన్నాంబగారు, సావిత్రి గారి నుండి ఇప్పటి అనుష్క తదితర తారలెంతమందో తెలుగుచిత్రతెరపై తమ నటనతో మెప్పించారు, నటిస్తున్నారు.

పెద్దమనుషులు, తోడుదొంగలు, బంగారుపాప, తెనాలి రామకృష్ణ, అర్ధాంగి, తోడికోడళ్ళు, పెళ్ళినాటి ప్రమాణాలు, మాంగల్యబలం, నమ్మినబంటు, భార్యాభర్తలు, సిరి సంపదలు, కులగౌరవం, ఉండమ్మాబొట్టుపెడతా, మూగమనుషులు, రంగులరాట్నం, వరకట్నం, మట్టిలోమాణిక్యం, సుడిగుండాలు, కులగోత్రాలు, అంతస్తులు రంగులరాట్నం డాక్టర్ చక్రవర్తి, సితార, సీతాకోకచిలుక, స్వాతిముత్యం, అంకురం, తొలిప్రేమ, రంగస్థలం వంటి సాంఘిక చిత్రాలతో పాటు విప్రనారాయణ, దక్షయజ్ఞం, భూకైలాష్, లవకుశ, భక్తప్రహ్లాద, భక్తతుకారం, భక్తకన్నప్ప, అన్నమయ్య, తెనాలి రామకృష్ణ, అమరశిల్పి జక్కన, మహామంత్రి తిమ్మరుసు, హరిశ్చంద్రుడు,  పాతాళభైరవి, గుణసుందరికధ జానపద మరియు ఫాంటషి చిత్రాలు మనల్నిఅలరించాయి. ఇంకా అనేక సాంఘిక సామజిక పౌరాణిక జానపద చిత్రాలు మన తెలుగు భాషలో ఉంటాయి.